Salian Hobi, Ngingu Manuk Bisa Nambahan Materi

By : BingkaiWarta - BingkaiWarta, 2016-11-19 22:02:17+07

Salian Hobi 1 PS.jpg

Ti mulai manuk kacamata nepi ka manuk lakbet anu pang badagna, di jejerkeun di pakarangan imah Nunu wargi Cikopo Desa Cibinuang Kecamatan Kuningan, Jum'at (18/11).

 

Kuningan ­– Salian hobi, ngingu manuk bisa nambahan materi" kitu cenah ceuk Nunu, 26, wargi Dusun Cikopo Rt.11/05 Desa Cibinuang Kecamatan/Kabupaten Kuningan ka BINGKAI WARTA, Jum'at (18/11).

Ningali kana kahirupan masarakat, ngingu manuk teh mangrupakeun hiji hobi anu dipikaresep ku jalma rea, utamana kaum lalaki.

Jiga tina kaca BINGKAI WARTA Jum'at kamari, anu nyampeurkeun ka pakarangan imah Nunu, katingal pisan lobana kurung manuk anu di jejerkeun di pakarangana. Ti mulai manuk lembut "kacamata", dugi ka manuk anu gedena sa keupeul leungeun nyaeta manuk "lakbet" atawa love bird.

Ka BINGKAI WARTA Nunu nerangkeun, yen manehna resep miara manuk teh kusabab resep ku ngadangu sorana, katambah deui ku endahna bulu manuk anu rupa-rupa warna narapel percis dina sa-pangawakan manuk.

Salain hobi, ceuk anjeuna, ngingu manuk oge bisa ngahasilkeun tatambah keur kana dompet. Sanajan teu dijadikeun pangala utama, tapi karasa lumayan lamun di itung-itung deui.

"Salian hobi, ngingu manuk oge bisa nambahan materi. Nya wios teu ageung ge tapi cekap keur nyukupan kaperluan manuk sorangana mah," Ceuk Nunu.

Manehna ngingu manuk teh kabilang tos lami, ti mulai manehna bujangan keur umuran 22 taun, nepi ka ayeuna geus rimbitan, angger teu rubah masih mikacinta kana urusan permanukan.

"Sanes tina jual beli manuk bae, tina jual beli kurung oge lumayan nguntungkeun. Katambah deui lamun manuk kontesan, lamun juara teras kenging piagam, eta tiasa nambihan luhurna harga manuk," Pungkas Nunu. (TAS)

 

 

3 years ago, by BingkaiWarta
Category : BERITA PILIHAN, PERNIK

Kontak Informasi BingkaiWarta.com

Redaksi : redaksi[at]bingkaiwarta.com
Iklan : iklan[at]bingkaiwarta.com











Berita Terkini

Categories